la strada delle rose
ogni sette , ogni ottu ne vitmu
ne cuardamu intra ll’occhi e nu cuntamu
tie nu cunti pe scornu e ieu ca timu
sventura te li doi comu campamu
aggiu pensatu , na cosa facimu
scucchiate da tua mamma e ne ne sciamu
perche’ all’amore tou costrettu suntu
ca su costrettu comu pesce all’amu..
miru lu cielu e me nfiammu de amore
beddha lu nome tou sta scrittu a n’cielu
beddha lu nome tou sta scrittu a n’cielu
lu meu sta allu profundu te lu mare
lu cielu nu po stare senza stelle
mancu lu nfernu senza nu dannatu
e tie ca si lu fiuru delle belle
mancu poi stare senza nnammuratu
la strada de le rose nu sapia ,
ora la sacciu ca su nnamuratu
ca se nu piju tie speranza mia
lu fiuru me lu nnucu te surdatu
sta curte senza tie sai comu pare?
comu lu tiempu trubbu senza sule
ca quannu ci si tie sai comu pare ?
comu lu maggiu ca caccia ogni fiore
(testo e musica, AriaFriscA-Mauro De Filippis)
